Bashkimi i forcave për buxhetimin e përgjegjshëm gjinor

Më shumë se 60 pjesëmarrës që i përfaqësojnë OC-të, përfaqësues qeveritarë, praktikues të barazisë gjinore dhe aktivistë nga rajoni i Ballkanit Perëndimor dhe më gjerë u mblodhën në konferencën ndërkombëtare "Roli i shoqërisë civile në buxhetimin e përgjegjshëm gjinor: pjesëmarrja, përfaqësimi dhe llogaridhënia". Evenimenti u mbajt në Ohër, Maqedonia e Veriut mes 26 dhe 29 qershor dhe u bashkorganizua nga UN Women, Rrjeti i Mbikëqyrjes Gjinore të Buxhetit dhe Partneriteti Ndërkombëtar i Buxhetit.

Përpara panel-diskutimeve dhe punëtorive të shumta interesante; konferenca filloi me ndarjen e çmimeve për veprën jetësore për avancimin e të drejtave të grave në Maqedoninë e Veriut.

Konferenca ishte organizuar në shtatë panel-diskutime dhe punëtori me tema të shumta.

Panel-diskutimet ishin mundësi e shkëlqyer për të dëgjuar se si organizatat  civile nga e gjithë bota po gjejnë mënyra për t'i angazhuar dhe fuqizuar gratë duke krijuar platforma të bashkëpunimit me institucionet qeveritare, kërkimit feminist dhe organizatat e përfaqësimit. Mënyra e rënë dakord për t'u avancuar mbetet nevojë urgjente për të siguruar që masat dhe buxhetet qeveritare të jenë të përgjegjshme gjinore dhe t'i reflektojnë zërat e grave.

Përveç kësaj, konferenca ofroi axhendë të pasur punëtorish, ku pjesëmarrësit patën mundësinë të njoftohen me metodologjitë për besueshmërinë e buxhetit, fuqizimin e komuniteteve të margjinalizuara dhe ndjekjen gjinore të përgjigjes ndaj rezistencës, mes tjerash. Kjo u ofroi mundësi OC-ve dhe organizatave të grave për të shkëmbyer përvoja dhe praktika të dëshmuara dhe për të ndërtuar partneritete më të fuqishme në avancimin e barazisë gjinore. 

Roli i organizatave civile në përfshirjen e aspekteve gjinore në politikat dhe buxhetet ishte tema kryesore e panelit të moderuar nga Ermira Lubani prej Zyrës rajonale të UN Women për Evropën dhe Asinë Qendrore, e cila kishte për qëllim të hapte diskutim veçanërisht në momentet kur përgjigjja e rezistencës nuk arrin t'u përgjigjet nevojave të ndryshme të grave dhe burrave të krijuara nga krizat shëndetësore, ekonomike dhe të tjera.

Paneli i dytë kishte për qëllim diskutimin e qasjeve të ndryshme për fuqizimin e pjesëmarrjes së organizatave civile në proceset e politikëbërjes dhe buxhetimit lokal dhe qendror me titull "Organizatat civile që shprehin nevoja të ndryshme të grave dhe burrave". Paneli u fokusua, gjithashtu, në përfitimet që mund t'i sjellë pjesëmarrja e OC-ve në krijimin e zgjidhjeve dhe shërbimeve të politikave.

Iniciativat e buxhetimit gjinor ishin fokusi i panelit të tretë ku u mbajtën katër punëtori paralele me tema të ndryshme që lidhen me iniciativat e buxhetimit gjinor, si higjiena menstruale dhe publike, fuqizimi ekonomik i grave,  ofrimi i përmirësuar i shërbimeve sociale dhe shërbimeve për aftësi të kufizuar dhe rritja e pjesëmarrjes së grave në sport.

Përveç kësaj, panelet katër, pesë dhe gjashtë patën diskutime shumë të pasura mbi tema të tilla si: OC-të si mbikëqyrës të buxhetit gjinor, partneriteti i reformave në financat publike për të arritur barazinë gjinore, besueshmëria buxhetore: si mund të ndihmojë përmbushja e premtimeve buxhetore në avancimin e barazisë gjinore. Ivona Paunoviq Bishevac nga Zyra e UN Women në Maqedoninë e Veriut e lehtësoi dhe e solli në panel përvojën e UN Women në mbështetjen e zhvillimit të metodologjisë së Mbikëqyrjes Gjinore të Buxhetit dhe përvojën me organizatat e ndryshme civile për t'i afruar gratë më afër komuniteteve.

Punëtoritë paralele në panelin e gjashtë hapën rrugën për diskutime më të thella. Të tria punëtoritë u fokusuan në: metodologjinë për analizën e besueshmërisë buxhetore, fuqizimin e komuniteteve të margjinalizuara dhe rezistencën e përgjigjes buxhetore, mbikëqyrjen nga perspektiva gjinore. Të gjitha ato janë me rëndësi të madhe për buxhetimin e përgjegjshëm gjinor. Paneli i shtatë dhe i fundit i kësaj konference katërditore iu kushtua rrjetëzimit të OC-ve. Paneli pati diskutime mbi rrjetëzimin e OC-ve dhe përfaqësimin për barazi gjinore dhe politikat dhe buxhetin e përgjegjshëm gjinor. U diskutuan dhe u miratuan sfidat me të cilat përballen organizatat civile në rrjetëzimin, strategjitë për parandalimin e faktorëve negativë për rrjetëzimin dhe zvogëlimin e hapësirës së shoqërisë civile.

Kjo konferencë shumë efektive dhe intensive ofroi platformë për të gjithë palët për të shkëmbyer mendime dhe ide se si të punojnë së bashku, mundësitë dhe sfidat.