Korniza për Bashkëpunim për Zhvillimin e Qëndrueshëm 2026-2030

Zhvillimi i kësaj Kornizë të re për Bashkëpunim të OKB-së për periudhën 2026–2030 u bazua në informatat e një analize gjithëpërfshirëse, të integruar dhe shumësektoriale të situatës dhe të nevojave të vendit, si dhe në një vlerësim të pavarur të Kornizës së mëparshme për Bashkëpunimit të OKB-së për periudhën 2021–2025. Gjithashtu, u zhvilluan konsultime të gjera me homologët e qeverisë, partnerët ndërkombëtarë të zhvillimit, shoqërinë civile dhe palë të tjera të interesuara për të siguruar gjithëpërfshirje dhe informacion për ndërhyrjet në mënyrë që ato t’i plotësojnë nevojat e të gjithë njerëzve në Maqedoninë e Veriut, veçanërisht të atyre që janë në rrezikojnë për të mbetur prapa. 

Meqenëse Korniza për Bashkëpunim e OKB-së përfaqëson ofertën kolektive të OKB-së në mbështetje të prioriteteve zhvillimore kombëtare të Qeverisë së Maqedonisë së Veriut, identifikimi i Prioriteteve Strategjike të mëposhtme, që janë të ndërlidhura dhe të përforcuara reciprokisht, gjithashtu u bazua në informacione nga SKZH-ja dhe u harmonizuar me të. 

• Prioriteti Strategjik 1: Zhvillimi gjithëpërfshirës social dhe njerëzor
• Prioriteti Strategjik 2: Ekonomia e qëndrueshme dhe puna e denjë
• Prioriteti Strategjik 3: Shoqëria dhe ekosistemet e qëndrueshme dhe të gjelbra
• Prioriteti Strategjik 4: Sundimi i ligjit dhe qeverisja e mirë

Këto Prioritete Strategjike dhe rezultatet shoqëruese gjithashtu kontribuojnë në 'Instrumentin për Reforma dhe Rritje në Ballkanin Perëndimor 2024-2027' të BE-së që i përvijojnë etapat që duhen përmbushur drejt anëtarësimit të Maqedonisë së Veriut në BE. Korniza për Bashkëpunim e OKB-së gjithashtu i pasqyron "Gjashtë Tranzicionet" aty ku është e përshtatshme, si katalizatorë për të përshpejtuar përparimin drejt QZhQ-ve. Për më tepër, përmes procesit të konfigurimit, Kombet e Bashkuara kanë identifikuar ekspertizën e nevojshme, si dhe kapacitetet teknike dhe financiare, për të ofruar mbështetjen e kërkuar për arritjen e objektivave të dakorduara.