Përfaqësia e Kombeve të Bashkuara në Maqedoninë e Veriut është e përkushtuar për ta përmirësuar jetën dhe jetesën e të gjithë banorëve të vendit, duke e mbështetur vendin në zbatimin e Agjendës për Zhvillim të Qëndrueshëm me ekspertizën më të fundit, të specializuar dhe veprimet e bazuara në dëshmi. Në fakt OKB-ja, duke e nxitur transformimin drejt një shoqërie më të mirë, më të gjelbër dhe më të drejtë, po e mbështet vendin në përmbushjen e qëllimeve të veta strategjike, duke përfshirë mbështetjen e reformave, që do ta ndihmojnë atë në procesin e integrimit në Bashkimin Evropian (BE).
Puna e OKB-së në vend pasqyrohet në Kornizën e Kombeve të Bashkuara për Bashkëpunim dhe Zhvillim të Qëndrueshëm të (KBZhQ /UNSDCF). KBZhQ 2021-2025 është zhvilluar në partneritet me Qeverinë dhe në koordinim me shumë partnerë të tjerë ndërkombëtarë dhe vendas, duke përfshirë organizata dhe individë nga të gjitha sferat e jetës, nga shoqëria civile, bota akademike ose sektori privat. Bazuar në një analizë të thellë dhe pas një procesi të gjerë konsultimi publik, KBZhQ 2021 - 2025 u miratua nga Qeveria më 26 tetor të vitit 2020.
Gjithsej 18 agjenci, fonde dhe programe të OKB-së punojnë së bashku nëpërmjet ekipit të Kombeve të Bashkuara në vend (UNCT), të kryesuar nga Koordinatori i përhershëm i OKB-së - përfaqësuesi i emëruar nga Sekretarit të Përgjithshëm të OKB-së për operacionet e zhvillimit në vend.
2
Nisur nga parimi gjithëpërfshirës “askush të mos lihet pas”; nga qasja e bazuar në të drejtat e njeriut; barazia gjinore dhe fuqizimi i grave; rezistenca; qëndrueshmëria dhe llogaridhënia, OKB-ja në Maqedoninë e Veriut do të përpiqet të sigurojë që:
3
Deri në vitin 2025, niveli i jetesës së të gjithë njerëzve në Maqedoninë e Veriut të jetë përmirësuar përmes qasjes së barabartë në punë të denjë dhe punësimit produktiv të gjeneruar nga një ekosistem biznesi gjithëpërfshirës dhe inovativ.
4
Deri në vitin 2025, njerëzit në Maqedoninë e Veriut gëzojnë qasje universale në shërbime sociale cilësore të bazuar në të drejta, si kujdesi shëndetësor, arsimi dhe mbrojtje e nevojshme sociale dhe e fëmijëve, të rrënjosura në sisteme të qëndrueshme ndaj situatave emergjente.
5
Deri në vitin 2025, njerëzit në Maqedoninë e Veriut përfitojnë nga veprimet ambicioze të klimës, burimet natyrore të menaxhuara në mënyrë të qëndrueshme dhe biodiversiteti i ruajtur mirë përmes qeverisjes së mirë mjedisore dhe komuniteteve të qëndrueshme ndaj katastrofave.
6
Deri në vitin 2025, njerëzit në Maqedoninë e Veriut përfitojnë nga sundimi i përmirësuar i ligjit; politikat e bazuara në prova, politikat parashikuese dhe të përgjegjshme gjinore; kohezioni më i madh shoqëror; dhe ofrimi efektiv i shërbimeve nga institucione transparente, llogaridhënëse dhe të përgjegjshme.
1 / 6
Objektivat e Zhvillimit të Qëndrueshëm në Maqedoninë e Veriut
Objektivat për Zhvillim të Qëndrueshëm janë thirrje globale për veprim për t’i dhënë fund varfërisë, për ta mbrojtur mjedisin dhe klimën e tokës dhe për të siguruar që njerëzit kudo që janë të mund të gëzojnë paqe dhe prosperitet. Këto janë qëllimet për të cilat punon OKB në Maqedoninë e Veriut
