Ekipi ynë në Maqedoninë e Veriut

Znj. Shalja-Plavjanska u emërua Shefe e Zyrës së UNFPA-së në vitin 2019. Ajo është mjeke dhe ka mbi 15 vite përvojë në menaxhimin e programeve të USAID-it. Që nga viti 2013, ajo i ka menaxhuar programet e UNFPA-së për shëndetin seksual dhe riprodhues dhe për rininë në Maqedoninë e Veriut.

Z. Krstanovski është Koordinator i ILO-s për Maqedoninë e Veriut që nga viti 2009 dhe është përgjegjës për zhvillimin dhe zbatimin efektiv dhe efikas të Agjendës së punës së denjë dhe dizajnimin, zbatimin, monitorimin dhe vlerësimin e suksesshëm të projekteve të ILO-s në vend.

Që nga diplomimi i tij në Fakultetin e Drejtësisë në Universitetin e Vjenës në marrëdhëniet ndërkombëtare dhe të drejtën dhe shkencat mjedisore, z. Egerer punoi si reporter mjedisor për Agjencinë Austriake të Shtypit. Në vitin 1996, z. Egerer iu bashkua UNEP-it me Sekretariatin e Konventës së Bazelit për Kontrollin e Lëvizjeve Ndërkufitare të Mbetjeve të Rrezikshme dhe Asgjesimin e tyre. Me Zyrën e UNEP-it për Evropën që nga viti 2001, z. Egerer u specializua në bashkëpunimin mjedisor në rajonin evropian dhe mbështeti shtatë vendet e Karpateve në zhvillimin e Konventës Kuadër për Mbrojtjen dhe Zhvillimin e Qëndrueshëm të Karpateve. Që nga viti 2004, z. Egerer ka drejtuar Zyrën e Programit të UNEP në Vjenë - SSC, vepron si Sekretar i Konventës së Karpateve në emër të UNEP-it dhe përfaqëson organizatën si një pikë qendrore mjedisore për Partneritetin Ndërkombëtar Malor.

Më parë, Jacek Cukrovski ka qenë Drejtues i Institutit UNIDO për Zhvillimin e Kapaciteteve, ka punuar për UNDP-në në cilësinë e këshilltarit për Objektivat e Zhvillimit të Mijëvjeçarit dhe udhëheqës i Qendrës Rajonale për Evropën dhe Bashkësinë e Shteteve të Pavarura. Para kësaj, ai ka punuar në Qendrën për Kërkime Sociale dhe Ekonomike (CASE) në Poloni dhe në Institutin Ekonomik të Akademisë së Shkencave të Republikës Çeke.

Lesley Miller është përfaqësuesja e UNICEF-it në Maqedoninë e Veriut. Ajo ka punuar për UNICEF-in mbi 30 vjet në pozita të shumta drejtuese, partneriteti dhe programesh, me fokus në të drejtat e fëmijëve. Lesley ka punuar në zyrat e UNICEF-it në Viet Nam, Serbi dhe Kamboxhia, në Zyrën Rajonale të UNICEF-it për Evropën dhe Azinë Qendrore, me seli në Gjenevë dhe në selinë e UNICEF-it në Nju Jork.

Masimiliano Paoluçi është një shtetas italian me më shumë se njëzet vjet përvojë në sferën e zhvillimit ekonomik. Para se ta merrte detyrën aktuale, Paoluçi ishte Përfaqësues special i grupit të Bankës Botërore në institucionet evropiane, NATO, Mbretërinë e Belgjikës dhe Dukatin e Madh të Luksemburgut.

Mihella sjell një ekspertizë të pasur mbi çështjet humanitare, analizën dhe zgjidhjen e konflikteve, menaxhimin e ekipit në mjedise të pasigurta. Përpara UNOPS-it, ajo mbajti poste të ndryshme të larta me Komiteti Ndërkombëtar i Kryqit të Kuq (KNKK) në vendet e prekura nga konflikti në Afrikë, Amerikën Latine dhe Azi; sektorët e politikës humanitare dhe avokimit në Mbretërinë e Bashkuar dhe Kanada, dhe në sektorin financiar në qytetin e Londrës.

Z. Gangi ka një përvojë 20 vjeçare me Kombet e Bashkuara në shumë fusha të ndryshme. Ai është përgjegjës për këshillimin dhe ndihmën për zhvillimin dhe zbatimin e Programit të FAO-s në Republikën e Maqedonisë së Veriut, duke e lehtësuar komunikimin dhe bashkëpunimin ndërmjet FAO-s dhe Qeverisë së Maqedonisë dhe të gjithë partnerëve kryesorë nacionalë dhe ndërkombëtarë në vend.

Rita Kolumbia sjell 20 vjet përvojë në zhvillimin ndërkombëtar, humanitar dhe menaxhim. Më parë, ajo ka shërbyer si Përfaqësuese e Fondit të Popullsisë së OKB-së (UNFPA) në Irak, si dhe Përfaqësuese e UNFPA në Moldavi, Drejtore e Vendit për Shqipërinë dhe si pjesë e ekipit të menaxhmentit të lartë të Zyrës Rajonale të UNFPA-së për Evropën Lindore dhe Azinë Qendrore.
Zonja Kolumbia ka një diplomë master në Menaxhimin Jofitimprurës dhe Shëndetësor nga Universiteti i Nju Jorkut, diplomë master në Administrim Publik nga Instituti i Kazakistanit për Menaxhim, Ekonomi dhe Prognozë si dhe një diplomë mjekësore nga Universiteti Kombëtar i Mjekësisë së Kazakistanit.

Znj. Bozinovska iu bashkua IOM-it në vitin 1999 dhe që atëherë ka punuar në emergjencat humanitare, në drejtimin e iniciativave për menaxhimin e migracionit, duke përfshirë migrimin për motive punësimi, menaxhimin e kufijve, ndihmën politikat dhe hulumtimet për migrantët. Ajo ka qenë gjithashtu anëtare e grupeve të ndryshme të punës ndërqeveritare për migracionin.

Znj. Vesna Ivanoviq-Kastarede e mori pozitën Specialiste programi dhe Shefe e zyrës së UN Women në Maqedoninë e Veriut në janar të vitit 2019. Ajo sjell një përvojë të pasur prej 20 vitesh punë profesionale me organizata ndërkombëtare, duke përfshirë OSBE, ICITAP dhe Korpusin e Paqes të SHBA-së, duke ofruar udhëzime strategjike, lidership, programim, monitorim të zbatimit dhe ngritje të kapaciteteve.