UNICEF-i përshëndeti vendimin e qeverisë për rihapjen e shkollave për mësim me prezencë fizike

Pas vendimit të Qeverisë për shtyrjen e fillimit të vitit shkollor, UNICEF-i ndërmori iniciativën që t'i kujtojë publikut nevojën urgjente për t'i mbajtur shkollat të sigurta dhe të hapura. Përveç humbjes së mësimit, mbyllja e shkollave ka pasur edhe ndikim negativ në shëndetin mendor të fëmijëve, ka reduktuar qasjen e tyre në shërbime të tjera të cilat i ofron shkolla dhe ka rritur rrezikun për dhunë. Me masat për zbutjen e rrezikut, shkollat kanë dëshmuar se janë mjedise të sigurta për fëmijët dhe nuk janë shtytësi kryesor i transmetimit në komunitet.

Pas rekomandimeve të Komisionit për Sëmundjet Infektive dhe UNICEF-it, fëmijët u kthyen nëpër klasat e tyre nga 1 shkurti. Përderisa vendi vazhdon të përjetojë transmetim në komunitet, mbajtja e shkollave të sigurta dhe të hapura kërkon një angazhim nga e gjithë shoqëria.