Tani është momenti i duhur për të gjurmuar zhvillimin e qëndrueshëm të Sharrit

Sot në ambientet e Universitetit Shtetëror në Tetovë u mbajt një debat publik për Projekt Planin e Menaxhimit të PK Mali Sharr (2022-2030) dhe debati publik për Projekt-Vlerësimin Strategjik të Planit të Menaxhimit të PK Mali Sharr (2022-2030).

Debatet publike përfundojnë procesin e konsultimit publik lidhur me këto dy dokumente planifikuese që i hapin rrugën zhvillimit të qëndrueshëm të zonës së mbrojtur për 10 vitet e ardhshme.

- Qëllimi ynë nuk është të bëjmë një muze natyror, por ta vendosim këtë zonë në një shkallë të caktuar të mbrojtjes dhe njëherësh të mundësojmë zhvillimin e qëndrueshëm të zonës dhe zhvillimin socio-ekonomik të banorëve - theksoi ministri Nuredini në fjalën e hapjes, duke theksuar se parku duhet të funksionojë mbi një themel të fortë bazuar në rregulloret ligjore dhe me dokumente solide planifikuese që do të mbrohen krahas vlerave dhe interesave natyrore të banorëve dhe biznesmenëve.

Drejtori i IPPK-së Mali Shar, Ibrahim Dehari informoi publikun për proceset e krijimit të Sistemit të Menaxhimit të Parkut Kombëtar, duke treguar se tani është koha e duhur për të bërë pyetje dhe për të ndarë komentet dhe sugjerimet, qoftë në debatin publik ose gjatë dy javëve të ardhshme në formë të shkruar, me qëllim që të njëjtat të rishikohen dhe, nëse mbështeten, të futen në dokumentacionin e planifikimit.

Në këtë ngjarje mori fjalën edhe koordinatorja për projekte për Ballkanin Perëndimor të UNEP-it Iskra Stojanova, e cila paralajmëroi projektin e ri të donatorëve "STAR 7" që do të kontribuojë në tejkalimin e sfidave me të cilat përballet parku kombëtar i sapoformuar.

Në debatet publike mori pjesë edhe një delegacion i Ministrisë së Mjedisit, Planifikimit Hapësinor dhe Infrastrukturës së Kosovës i udhëhequr nga zëvendësministrja Linda Çavdarbasha e cila shprehu gatishmërinë për bashkëpunim dhe shkëmbim të përvojave nga menaxhimi i PK Mali Sharr - pjesa e masivit të Sharrit nga pala kosovare.