Споделување на искуства на УНФПА за семејно одговорни политки

Споделување на искуствата и успесите на Канцеларијата на Фондот за население на Обединетите нации (УНФПА) во Молдавија во рамките на регионалниот проект за семејно одговорни политики, беше тема на официјалната посета на проектната координаторка од УНФПА Молдавија, Нелеа Русу. Таа во изминатата недела оствари неколку средби со компании од приватниот сектор, Министерството за труд и социјална политика, граѓански организации и сестринските агенции на Обединетите нации.

Средба со компании од приватниот сектор - фотографија на УНФПА

Регионалниот проект за семејно одговорни политики се фокусира на креирање на политики во приватниот сектор кои ќе им овозможат на вработените подобро да ги балансираат работните обврски и грижата за семејството и домашните обврски. Покрај тоа што политиките во огромна мера придонесуваат жените да ги остварат своите кариери и лични аспирации, во баланс со обврските во семејството, тие исто така имаат и позитивен ефект на компаниите и нивното успешно раководење со човековите ресурси и зајакнување на корпоративната култура.

Активностите во рамки на проектот „Проширување на изборите преку семејно одговорни политики” ги спроведува УНФПА во државите од Западен Балкан и Молдавија, со финансиска поддршка на Австриската агенција за развој (Austrian Development Agency - ADA).