СКОПЈЕ| 3 ноември 2023 година| Нови опции за заем со плаќања засновани на успешност (ПБП) ќе бидат достапни за малите и средни претпријатија (МСП), насочени кон групи кредитоспособни, но недоволно услужени поединци/домаќинства од Северна Македонија за финансирање на нивните инвестиции во обновливи извори на енергија (ОИ) и решенија за енергетска ефикасност (EE). Ова беше најавено на настанот за промоција на производите на Green Finance Facility (GFF) денеска во Скопје, на кој претставници од Владата на Северна Македонија, семејството на Обединетите нации (ОН), Европската банка за обнова и развој (ЕБОР) и од комерцијалните банки од земјава се состанаа за да ја одбележат оваа значајна пресвртница во спроведувањето на проектот. „Имајќи предвид дека сите земји се соочуваат со многу предизвици, како што се економското закрепнување по Ковид, економската и енергетската криза, сметам дека овој проект со производи наменети за малите и средни претпријатија и поединци од недоволно опслужените категории е одлична можност. да ја изразиме нашата силна посветеност за забрзување на имплементацијата на Агендата 2030 и постигнување на целите за одржлив развој“ - рече  Фатмир Битиќи, заменик претседател на Владата задолжен за економски прашања, координација на економските ресори и инвестиции во Владата на Север. Македонија.

Шпаркасе Банка, ПроКредит Банка и Силк Роуд Банка се првите комерцијални банки кои ќе даваат подзаеми на малите и средните претпријатија и целните групи за инвестиции во обновливи извори на енергија и енергетска ефикасност, додека ГФФ ќе субвенционира 5-30% од главницата на заемот. Кредитите за ПБП од овој вид сега ќе бидат достапни на седум целни групи на кредитоспособни, но недоволно услужени поединци/домаќинства, вклучително домаќинства со жени на чело, самохрани родители, домаќинства со лица со попреченост, Роми, вработени погодени од Ковид-19, примачи на дознаки и мигрантите кои се враќаат. Инвестициите и од МСП и од седумте целни групи поединци/домаќинства се очекува да ја подобрат и намалат потрошувачката на енергија, да ги намалат емисиите на стакленички гасови и да придонесат за почист воздух во Северна Македонија. „ГФФ има за цел да ги донесе придобивките од зелената транзиција до малите и средните претпријатија и групите на општеството кои обично се последни кои се приклучуваат и имаат корист од зелената транзиција, како што се домаќинствата со самохрани родители, Ромите, домаќинствата со лица со попреченост и примателите на дознаки. Се надевам дека заемите од GFF ќе ги направат инвестициите во обновливи извори на енергија и енергетска ефикасност полесни и поприфатливи за малите бизниси и домовите“ – рече Росана Дуџак, постојан координатор на ОН во Северна Македонија. Програмата е усогласена со и го поддржува постигнувањето на Целите за одржлив развој (ЦОР) и целите на Рамката за соработка за одржлив развој на ОН (SDCF). Се очекува да резултира со 70.068 MWh годишна заштеда на енергија, 80.510 тони CO2-eq избегнати емисии и 10,7 MW во нов капацитет за обновлива енергија. Понатаму, овозможувањето пристап до пристапно финансирање за обновливи извори на енергија и решенија за енергетска ефикасност ќе придонесе за напредок кон ЦОР 7 и 13. Заемите за плаќање засновани на успешност ќе бидат достапни почнувајќи од 3 ноември 2023 година, до крајот на 2025 година или додека финансиските средства на GFF доделени за PBP не бидат целосно доделени на корисниците на проектот. Договорите со други локални партнерски финансиски институции одговорни за имплементација на заеми за плаќање врз основа на перформанси (ПБП) во земјата се очекува да бидат потпишани во 2024 година. Проектот „Green Finance Facility“ го спроведуваат Програмата за развој на Обединетите нации (УНДП), Меѓународната организација за миграција (ИОМ) и Економската комисија на Обединетите нации за Европа (UNECE), заедно со Европската банка за обнова и развој (ЕБОР). како партнерска меѓународна финансиска институција, а финансиски е поддржан од Заедничкиот SDG фонд, со кофинансирање од Владата на Северна Македонија.

  Проектот финансиран од Европската унија „Унапредување на консолидацијата на земјиштето во Северна Македонија“, ко-финансиран и спроведуван од Организацијата за храна и земјоделство при Обединетите Нации (ФАО), распиша јавен тендер (UNGM Референтен број: 2023/REUXD/REUTD/122655) за обезбедување на услуги за „Изградба на градби за хидромелиоративни работи и градби наменети за уредување на земјоделско земјиште (тампонирани пристапни/сервисни патишта) во с. Дабјани, Општина Долнени’’. Активностите што треба да се спроведат како дел од овој тендер вклучуваат градежни работи за подобрување на земјоделската инфраструктура во консолидационо подрачје Дабјани. Поконкретно, ова вклучува рехабилитација на постојните тампонирани пристапни/сервисни патишта и изградба на нови. Дополнително, ќе се спроведат хидромелиоративни интервенции за подобрување на системот за одводнување, вклучително и изградба на премини преку постојните одводни канали со користење на цевки и цевасти пропусти. Потенцијални понудувачи можат да бидат сите градежни фирми регистрирани во Република Северна Македонија, кои поседуваат најмалку лиценца Б за градба, издадена од Министерството за транспорт и врски на Република Северна Македонија. За пристапување до тендерската документација и поднесување понуда, заинтересираните компании прво треба да се регистрираат на Порталот на Обединети Нации за глобален пазар - United Nations Global Marketplace portal (УНГМ-UNGM) (www.ungm.org/Vendor/Registration), бидејќи само компаниите регистрирани во UNGM имаат право да учествуваат. По успешна регистрација, компаниите ќе можат да пристапат до тендерската документација и да ги достават своите понуди преку истиот портал на UNGM (www.ungm.org/Account/Account/Login). Краен рок за поднесување на електронска понуда за тендерот е 21 август (понеделник) 2023, најдоцна до 13:00 часот, по средноевропско време.   Повеќе информации: Консолидационото подрачје Дабјани се наоѓа во општина Долнени, оддалечено приближно 22 км од градот Прилеп. Во моментов тоа е најголемиот тековен проект за консолидација на земјиште во Северна Македонија. Подрачјето зафаќа 742 хектари (ха) земјоделско земјиште, во сопственост поделена помеѓу 85 приватни сопственици на земјиште (435 ха) и државата (307 ха). Во 2019 година беше спроведена Студија за оправданост (физибилити студија) за Дабјани со цел да се истражи потенцијалот за консолидација на земјиштето при што се испитаа земјоделското земјиште,  сите имотни и правни прашања, состојбата на постојната земјоделска инфраструктура и нивото на интерес меѓу сопствениците на земјиштето за учество во процесот на консолидација. Студијата исто така го потврди пристапот на консолидација на земјиштето во Дабјани – распределба со промена на границите - кој е применет во ова подрајче. По спроведувањето на физибилити студијата, беше спроведено планирање на распределба на земјиштето и проектирање на потребните интервенции во земјоделската инфраструктура во консолидационото подрачје. Планот за распределба на земјиштето беше усвоен во јануари 2022 година. Преку процесот на распределба на земјиштето поддржан од проектот MAINLAND финансиран од ЕУ, во Дабјани бројот на земјишни парцели значително се намали, од 602 на 127 парцели, резултирајќи со парцели со правилна форма и просечна големина од 5.84 ха, што е значително зголемување од претходниот просек од само 1.23 ха пред консолидацијата на земјиштето. Во рамките на проектот ‘’Унапредување на консолидацијата на земјиштето во Северна Македонија’’финансиран од ЕУ, беше направен Основен проект за  Изградба на градби за хидромелиоративни работи и градби наменети за уредување на земјоделско земјиште (тампонирани пристапни/сервисни патишта) во село Дабјани, а градежната дозвола беше издадена од општина Долнени на 13 јули 2023 со бр. 33-970/11. За проектот финансиран од ЕУ „Унапредување на консолидација на земјиштето во Северна Македонија“. Надоврзувајќи се директно на резултатите од проектот MAINLAND, овој проект има за цел да му помогне на МЗШВ во понатамошното унапредување на консолидацијата на земјиштето во Северна Македонија преку подобрување на националната политика за консолидација на земјиштето, вклучувајќи ги стратешките, правните и институционалните рамки, како и да продолжи да ја поддржува имплементацијата на Националната програма за консолидација на земјиштето преку целосна имплементација на два проекти за консолидација вклучително и изградба на земјоделска инфраструктура. Буџетот на проектот е 1,2 милиони евра, финансиран од ЕУ ИПА II 2019 (1 милион евра) и придонес на ФАО (0,2 милиони евра). Проектот ќе се реализира во период од 42 месеци, почнувајќи од август 2022 година до јануари 2026 година. За повеќе информации поврзани со соопштението, ве молиме контактирајте: Радмила Славкова, Национален специјалист за комуникации на ФАО тел: +389 (0)71 21 23 08 е-маил: radmila.slavkova@fao.org   Овој канал не треба да се користи за добивање појаснувања за прашања поврзани со самиот тендер. За таа цел треба да се користат само каналите наведени во тендерскиот документ.

ЖЕНЕВА (13 јули, 2023 година) – Експерт на Обединетите нации денес ги поздрави суштинските напори на Германија и Северна Македонија за решавање на сложената ситуација во која се наоѓаат нивните граѓани повратници од конфликтните зони, особено од Арапската Република Сирија, преку нивна репатријација, реинтеграција и гонење. „Земјите како Германија и Северна Македонија покажаа дека репатријацијата не е само возможна, туку и практична“, рече Фионула Ни Аолаин (Fionnuala Ní Aoláin), специјален известувач на ОН за унапредување и заштита на човековите права и основните слободи во борбата против тероризмот, на крајот од 10-дневната посета на Германија и Северна Македонија. Фионула Ни Аолаин ги истакна тешките услови во камповите и затворите во североисточна Сирија каде овие лица масовно и произволно се затворени, особено нагласувајќи ги тешките последици по ранливите деца коишто и понатаму се затворени без пристап до образование, здравствена заштита, безбедност и други основни права. „Ги поздравувам напорите на Германија за поттикнување на енергичен и стручен ангажман на граѓанското општество во процесите на откажување, дерадикализација и реинтеграција, што покажува колку е важно да се има пристап што го вклучува „целото општество“ за враќањето на овие лица, како и пристап кој е заснован на човековите права и кој овозможува сеопфатна и нестигматизирачка реинтеграција во општеството“, рече таа. Специјалниот известувач истакна дека Северна Македонија започна со изработка на модел за реинтеграција во заедницата врз основа на мултидисциплинарна експертиза со вклучување на социјални работници, клинички психолози и претставници од безбедносниот сектор со цел семејствата, особено жените и децата, целисходно да се реинтегрираат во нивните заедници. Експертот истакна дека е важно гонењето за меѓународните злосторства со разорно дејство извршени од страна на ИСИС во Сирија и Ирак да се врши во согласност со начелата за владеење на правото. Таа го поздрави иновативниот и уникатен пристап на Германија во постапувањето по меѓународните кривични дела и видливата подготвеност на земјата за премостување на огромниот јаз во неказнивоста на злосторствата извршени од страна на ИСИС. „Изречно повикувам на репатријација на мажите и жените од Германија и Северна Македонија, за да се осигуриме дека напорите за враќање и отчетност и понатаму ќе продолжат“, рече таа. Ни Аолаин рече дека двете земји мора и понатаму будно да внимаваат на тоа дали политиките и практиките за борба против насилниот екстремизам поврзани со враќањето и реинтеграцијата се навистина усогласени со стандардите за човековите права.  Таа изрази загриженост дека некои напори за реинтеграција во пракса, наместо да спречат, можат да предизвикаат стигма и отфрлање на повратниците од општеството. „При гонењето и судењето на повратниците мора да се постапува во согласност со меѓународните стандарди за фер и правично судење, казните мора да бидат пропорционални и условите во казнено-поправните установи мора да бидат соодветни, со цел на повратниците да им се даде подеднаква можност за рехабилитација и реинтеграција во општеството“, рече експертот на ОН. Специјалниот известувач го поздрави проактивниот пристап на двете влади кон ова сложено правно и политичко прашање, што претставува значаен пример за другите држави во поглед на олеснување на враќањето и реинтеграцијата на нивните граѓани од конфликтните зони, вклучувајќи ја и Сирија.   ЗАВРШУВА  Г-а Фионуала Ни Аолаин (Fionnuala Ní Aoláin) е назначена за Специјален известувач за унапредување и заштита на човековите права и основните слободи во борбата против тероризмот од страна на Советот за човекови права на Обединетите нации. Таа ја извршува оваа функција од 1 август, 2017 година. Г-а Ни Аолаин е истовремено почесен професор и професор по право, јавни политики и општество на Институтот Робина од Правниот факултет при Универзитетот во Минесота и професор по право на Универзитетот Квинс, Белфаст, Северна Ирска. Нејзиниот мандат ги опфаќа сите земји и неодамна беше обновен со Резолуција 49/10 на Советот за човекови права. Специјалните известувачи се дел од таканаречениот механизам на Специјални процедури на Советот за човекови права. Специјални процедури, најголемото тело на независни експерти во системот за човекови права на ОН, е општиот назив за група независни механизми на Советот за утврдување на факти и следење коишто се фокусираат на конкретни ситуации во одредена земја или тематски прашања во сите делови на светот. Овие експерти работат на доброволна основа; тие не се вработени во ОН и не добиваат плата за нивната работа. Тие се независни од која било влада или организација и служат во индивидуално својство. Страници од веб-локацијата на ОН за човекови права во земјите: Германија и Северна Македонија За повеќе информации и прашања од медиумите, контактирајте со: Г-а Карен Рејес Толоса (+41 76 342 3400; karen.reyestolosa@un.org)   За прашања од медиумите поврзани со други независни експерти на ОН, контактирајте со Маја Деруаз (maya.derouaz@un.org). Вестите во врска со независните експерти за човекови права на ОН можете да ги следите и на Твитер под следната назнака: @UN_SPExperts    Загрижени сте за светот во којшто живееме?
 Во тој случај, ЗАСТАНЕТЕ во одбрана на нечии права денес.
#Standup4humanrights
 и посетете ја веб-страницата на http://www.standup4humanrights.org    

Членовите на Заедничкиот управен комитет разговараа за годишните резултати на ОН за 2022-ра година, можностите и предизвиците со кои се соочува земјата и ги поддржаа Заедничките работни планови за 2023-та година. „Само со заеднички напори можеме да ги заштитиме човештвото и природата, особено ако сме посветени на постигнувањето на Агендата 2030, на национално и на глобално ниво. Целосната имплементација на рамката за соработка за одржлив развој е патот кон постигнување опипливи промени за луѓето во Северна Македонија, што резултира со подобри правни, поефикасни и поодговорни институции и поголема иднина за сите“, рече Фатмире Исаки, заменик министер за надворешни работи. РСОР е клучен стратешки документ што ја води работата на ОН во Северна Македонија и ја претставува колективната понуда на системот за развој на ОН за поддршка на земјата во постигнувањето на целите за одржлив развој. За да се осигури дека ги одразува интересите и приоритетите на сите луѓе во земјата, РСОР е развиен преку партиципативен и консултативен процес, почнувајќи со анализа на развојниот контекст на земјата, стратешката приоритизација и нејзината операционализација преку годишните работни планови на ентитетите на ОН и засегнатите страни. „Контекстот значително еволуираше од основањето на РОСР во 2020-та година. КОВИД-19 и неговото непосредно и долгорочно социо-економско влијание, проследено со тековните енергетски, безбедноста на храната и финансиските кризи – сите обликувани од војната во Украина – ставија значителен притисок врз Владата да продолжи да дава приоритет на реформските процеси и структурните промени бидејќи фискалниот простор се намалува, а ранливостите се зголемуваат“, вели Росана Дуџак, постојан координатор на ОН во Северна Македонија. „Со јасна цел и фокусирани стручни совети и поддршка, поткрепени со фокусот да не се остави никој зад себе, тоа ќе остане клучот на работата на ОН во Северна Македонија во 2023-та година.” РОСР 2021-2025 година, исто така, ја одразува молбата на генералниот секретар на ОН за забрзана акција за спроведување на Агендата 2030 преку Декада на акција.