Обединетите нации во Северна Македонија работат кон подобрување на животите на сите граѓани што живеат во земјата преку имплементација на Агендата за одржлив развој, со современа експертиза и акција базирана на докази. Со водење на трансформацијата кон подобра, позелена и фер општество, ОН ја поддржуваат земјата во остварувањето на стратешките цели, вклучително и со поддршка на реформите што ќе помогнат на процесот на интеграција во Европската Унија (ЕУ).
Работата на ОН во земјата е рефлектирана во Рамката за соработка за одржлив развој на обединетите нации. Рамката за соработка 2021-2025 е развиена во партнерство со Владата и во координација со многу надворешни и домашни партнери, вклучувајќи организации и индивидуалци од различни сфери, од граѓанското општество, академијата или приватниот сектор. Базирана на длабинска анализа и поткрепена со обемен консултативен процес, Рамката за соработка е одобрена од Владата на 26 октомври 2020.
Вкупно 18 агенции, фондови и програми работат заедно преку Тимот на Обединетите нации на државно ниво (UNCT), предводен од Постојаниот координатор - официјален претставник на Генералниот секретар на ОН за развојни активности во земјата.
2
Водени од принципот никој да не заостане; од пристапот базиран на човекови права; родова еднаквост и зајакнување на жената; отпорност; одржливост и одговорност, ОН во Северна Македонија ќе настојува да обезбедат дека:
3
До 2025, животниот стандард на луѓето во Северна Македонија ќе се подобри преку еднаков пристап до достоинствено и продуктивно вработување, создадено од инклузивен и иновативе бизнис еко-систем.
4
До 2025, сите луѓе во земјата ќе уживаат еднаков пристап до социјални услуги базирани на права – здравство, образование, и неопходна социјална и детска заштита - вкоренети во систем отпорен на кризни состојби.
5
До 2025, сите луѓе во Северна Македонија ќе имаат корист од амбициозна акција за справување со климатските промени, одржливо управувани природни ресурси и добро зачувана биолошка разновидност преку добро управување со животната средина и заедници отпорни на непогоди.
6
До 2025, земјата ќе има подобрено владеење на правото; политики базирани на докази со соодветно планирање и вклучено начело на родова-еднаквост; подобра социјална кохезија; и ефикасни услуги доставени од транспарентни, одговорни и реактивни институции.
1 / 6
The Sustainable Development Goals in Северна Македонија
Целите за одржлив развој се глобален повик за акција да се стави крај на сиромаштијата, да се заштити животната средина и климата и да се обезбеди сите луѓе да уживаат во мир и просперитет. Ова се целите на кои Обединетите нации работат во Северна Македонија:
