FONDI GLOBAL I MJEDISIT (FGM) ME KONTRIBUT NË MBROJTJEN E MJEDISIT, PËRMES BALANCIMIT TË NEVOJAVE TË NJERIUT DHE MJEDISIT

Në vitin 1992, gjatë Samitit të Planetit Tokë në Rio, u krijua Programi i Granteve të Vogla FGM - FGM PGV, i cili mishëron thelbin e zhvillimit të qëndrueshëm duke "menduar globalisht dhe duke vepruar në nivel lokal". Misioni i këtij fondi është mbrojtja e mjedisit global.

Duke ofruar mbështetje financiare dhe teknike për projektet që mbrojnë mjedisin dhe në të njëjtën kohë duke përmirësuar mirëqenien e njerëzve, PGV tregon se aktivitetet e komunitetit mund të vendosin një ekuilibër të mirë midis nevojave njerëzore dhe mjedisore. FGM po ndërton një urë bashkëpunimi ndërkombëtar dhe veprimesh financuese për të adresuar gjashtë kërcënime kritike për mjedisin global: humbjen e biodiversitetit, ndryshimet klimatike, mbrojtjen ndërkombëtare të ujit, degradimin e tokës, menaxhimin e qëndrueshëm të pyjeve dhe asgjësimin e kimikateve.

PGV operon në mënyrë të decentralizuar, demokratike, transparente, nëpërmjet Koordinatorit Kombëtar të Programit dhe Asistentit me Komitetin Drejtues Vullnetar Kombëtar (KVK) në nivel kombëtar dhe Ekipin Qendror të Menaxhimit të Programit (EQMP) në Nju Jork, SHBA.

Që nga fillimi i saj, PGV është përballur me shumë sfida reale në punën me komunitetet për të adresuar prioritetet mjedisore globale kundrejt nevojave të komunitetit lokal - sfida që janë trajtuar në mënyra të ndryshme në mbarë botën në varësi të kushteve specifike ekonomike, kulturore, politike dhe mjedisore. Në këtë proces, PMG u bë "FGM e popullit".

Për më shumë informacion klikoni këtu.