Видео порака од Постојаниот координатор на Обединетите нации во Северна Македонија, Росана Дуџак

"Со се почестите поплави ширум светот во изминатите неколку месеци, сушите, рекордните температури, со јасното нарушување на климата и загубите на биодиверзитетот, со загадувањето на воздухот, водата и почвата околу нас, станува јасно дека не е прашање на кога климатските промени ќе не засегнат, туку што сега може да направиме за да ги намалиме ефектите", вели Росана Дуџак, Постојан координатор на Обединетите нации во Северна Македонија во новата видео порака посветена на потребата за зголемени напори за заштита од климатските промени, загадување на животната средина и загуба на биодиверзитетот. 

Во оваа видео порака, Дуџак ги повикува сите да се вклучат во акцијата и да покажат дека се грижат.

Видеото е дел од новата кампања (#СеГрижам) за зголемување на свеста од значењето на Акцијата за спречување на климатски промени, како и на заштитата на животната средина за нашите животи.